طوفانی بارش کے باعث چکری روڈ پر بجلی کے دو کھمبے گر گئے ہیں۔
یہ ویڈیو بھی دیکھیں
این اردو نیوز کے ملنے والی تفصیلات کے مطابق آج ہونے والی بارش اور طوفان کے باعث چکری روڈ پر واقع رنیال کے قریب دو کھمبے گرے ہیں جس کے نتیجے میں دو شہریوں کے زخمی ہونے کی بھی اطلاعات ہیں جبکہ کھمبے گرنے سے قریب واقع مارکی کو بھی نقصان پہنچا ہے، کھمبے گرنے کے بعد چکری روڈ کے مختلف علاقوں کی بجلی تاحال بند ہے
چکری روڈ پر کھمبے گرنے کے باعث ٹریفک کا نظام بھی درہم برہم ہو گیا ۔ اس سے قبل شاہ قاف پل کے تعمیراتی کام میں سست روی اور تجاوزات سے عوام تنگ ہیں جبکہ سابقہ ٹھیکیدار نے گلشن فاطمہ کالونی سے بھی دور سے پل تک سڑک کی چوڑائی بتدریج کم کرتے ہوئے لاکھوں نہیں کروڑوں بچا لئے جس کا خمیازہ عوام بھگت رہے ہیں اور ٹریفک جام ہونا ایک معمول بن چکا ہے۔ حکام کی نااہلی غفلت اور مبینہ ملی بھگت کے باعث کوئی گاڑی یہاں چالیس کی رفتار سے زیادہ چل ہی نہیں سکتی۔ اگر تجاوزات کے خاتمہ کیلئے سڑک کے کنارے ایک ڈیڈ لائن نشان لگا دیا جائے اور پھر بلاامتیاز اس ریڑھی ریڑھے ٹھئے یا گاڑی کو اٹھوا لیا جائے تو شاید عوام کو ٹریفک روانی میسر آ سکے ۔ یاد رہے دھمیال آئیسکو حکام پہلے تو کھمبے گرنے یا دو افراد کو کرنٹ لگنے کا واقعہ ہونے سے ہی انکاری تھے لیکن بعد میں جب جنگ اور جیو گروپ نے ثبوت کے ساتھ معاملہ کی وضاحت کردی۔ مقامی صحافی ذوالقرنین کی کاوشوں سے جہاں دیگر مسائل حل ہو رہے ہیں وہاں شاہ قاف پل پر تاخیر اور سڑک کی چوڑائی کم رکھنے سمیت پل کے دائیں بائیں قبضہ مافیا کی طرف سے دس کنال سے زائد اراضی پر قبضہ کرنے کا معاملہ بھی ضرور حل ہو گا ۔
Copyright ©2019 All rights reserved
1 Comment
Leave your reply.