لاہور وزیراعلیٰ پنجاب سردار عثمان بزدار نے کہا ہے کہ چیلنجز ہیں مگر تمام مسائل حل کر کے عوام کے پاس جائیں گے – وزیر اعلی عثمان بزدار نے بتایا کہ مہنگائی کم کرناہماری حکومت کی ترجیحات میں اولین ہے کیونکہ ہم اپنی عوام کو ریلیف دینا چاہتے ہیں -عثمان بزدار نے مزید کہا کہ مشکل حالات میں حکومت سنبھالی مگر حوصلہ نہیں ہارا -وزیر اعلی نے کہا کہ حالات اب بہتری کی طرف گامزن ہیں کوئی پریشانی کی بات نہیں -انہوں نے کہا کہ پنجاب بدل رہا ہے اور عوام کے لئے خوشخبریوں کا سلسلہ شروع ہوچکا ہے-

وزیر اعلی نے عزم کا اظہار کیا کہ پنجاب کو ترقی کے عروج پر لے جانا میرا مشن ہے-وزیر اعلی نے کہا کہ منفی سیاست، منفی سوچ رکھنے والوں کا وطیرہ ہے – ہم مثبت سوچتے ہیں اور عوام کے لئے مثبت کام کرنے پر توجہ رکھتے ہیں -انہوں نے کہا کہ پنجاب میں میرٹ کے کلچر کو فروغ دیا جا رہا ہے – فیصلوں میں شفافیت نظر آتی ہے -ہمارا معیار صرف اور صرف میرٹ اور شفافیت ہے – وزیر اعلی نے کہا کہ روایتی سیاسی پارٹیوں کے قدامت پسند لیڈروں کی روایتی بے حسی سے تنگ آچکے ہیں – صرف پاکستان تحریک انصاف کی حکومت وزیر اعظم عمران خان کی قیادت میں حالات میں تبدیلی لا سکتی ہے –