نیب کی طرف سے وفاقی وزیر ہوا بازی غلام سرور خان کے خلاف تحقیقات کا آغاز کر دیا ہے این این اردو نیوز کو دستیاب دستاویز کے مطابق نیب کے طرف سے غلام سرور خان سمیت اہل خانہ کے 6 افراد کا جائیدادوں کی تفصیلات طلب کی گئیں ہیں ۔

اپنے خلاف نیب کاروائی کا خیر مقدم کرتا ہوں،غلام سرور

ادھر آج قومی اسمبلی کے اجلاس میں اظہار خیال کے دوران وفاقی وزیر ہوا بازی غلام سرور نے کہا ہے کہ تین بار وزیر بننے والوں کا بھی احتساب ہونا چاہیے، نیب کو بلاتفریق احتساب کرنا چاہیے، اپنے خلاف کارروائی کا خیرمقدم کرتا ہوں۔

وفاقی وزیر ایوی ایشن غلام سرور نے قومی اسمبلی میں اظہار خیال کرتے ہوئے کہا خبروں کی زینت بننے پر خوش ہوں، احتساب سب کا ہونا چاہیئے، ان کا بھی جو 3 یا 6 بار وزیر بنے، اپوزیشن کا احتساب ہوتا ہے تو حکومتی ارکان کا بھی ہونا چاہیئے، اپوزیشن کی طرح نیب کو غیر مناسب الفاظ سے یاد نہیں کروں گا۔

غلام سرور کا کہنا تھا دنیا بھر کے ممالک کورونا سے لڑ رہے ہیں، کورونا سے 37 ہزار لوگ متاثر جبکہ 803 اموات ہوئیں، زائرین اور قیدیوں کو بیرون ملک سے واپس لایا گیا، ایوی ایشن کے لوگ بھی کورونا سے شہید ہوئے، خراج عقیدت پیش کرتے ہیں، پوری دنیا میں فلائٹ آپریشن معطل جبکہ ہم نے چلایا، 7 ہزار پاکستانیوں کو عید سے پہلے واپس لائیں گے، ہماری طرف سے کوئی کوتاہی نہیں ہے۔